پەیكەرێك ئازادی بەدەست دەهێنێت
نووسەر: ئالیس یوو
وەرگێڕانی: چۆڤین محمدئەمین

لە دوای كارە ناوازەكەی پەیگ برادلی بە دروست كردنی پەیكەرێك بە ناوی كرانەوە ئەوەندە سەرسام نەبووم بە هیچ كارێكی تر وەك بۆ ئەم كارە ناوازەیە كە بریتیە لە پەیكەرێك كە بەرزیەكەی 8 پێیە درێژیەكەی 20 پێیە بە ناوی (ئازادی), كە دەكەوێتە بەردەم بارەگای سەرەكی GSK لە فیلادەلفیا, پەیكەرتاش زینۆس فرۆداكیس وەك پێویستیەك دروستی كردووە كە دنیای ئەمرۆ داوای دەكات بۆ ئازادبوون لە بارودۆخێكی تایبەت, یان لە بارێكی دەروونی ئاڵۆز یان بارودۆخی ناكۆكی.
هەرچەندە كە 4 پەیكەر دروستكراوە بەڵام مانای كارەكە تەنها لە یەك پەیكەردا خۆی دەبینێتەوە كە لە لای چەپەوە بەرەو لای ڕاست تێدەپەڕێت. زینۆس لە ماڵپەڕی تایبەتی خۆی بڵاوی كردەوە كە " ڕێكخستنی پەیكەرەكان لە گەشەكردندایە لە چەپەوە بۆ لای ڕاست كە دەست پێدەكات بە پەیكەرێكی مردووی مۆمیاكرا وەك شێوەیەكی دەست بەسەر بە بەشی پشتەوەیەوە بەستراوەتەوە, لە پەیكەری دووەمدا پەیكەری دیلێكی یاخیبووی مایكل ئەنجیلۆمان بە بیردەهێنێتەوە, كە دەست دەكات بە تەماشاكردن و لە هەوڵدایە بۆ ئەوەی كە خۆی ڕزگار بكات , پەیكەری سێیەم خۆی لە دیوارەكە ڕزگاركردوە كە بە دەست بەسەری هێشتبویەوە وە هەنگاو دەنێت بەرەو ڕزگاربوون و گەیشتن بە ئازادی, لە وێنەی پەیكەری چوارەمدا پەیكەرەكە بە تەواوەتی ئازادی بەدەست هێناوە, سەركەوتنی بەدەست هێناوە, باڵەكانی ڕادەكێشێت و خۆی دەكاتەوە, وە بەتەواوەتی لە دیوارەكە دابڕاوە وە لەو شوێنە چاڵەی كە لە دوای خۆی بەجێی هێشتووە , خۆی دەربازكردووە لەو چارەنوسە خراپەی كە چاوەڕێ‌ ی دەكرد".
وە لە وێنا گەورەكەی پەیكەرەكەدا وێنەی چەند كەلوپەلێكی تیادا بەدی دەكرێت كە لەلایەن پەیكەرتاشەكەوە بەكارهاتوون بۆ دروست كردنی ئەم پەیكەرە, 25 كەس, پشیلەیەك كە فروداكیس بۆ ماوەی 20 ساڵ خاوەنی بوو, ڕووی دەم و چاوی خۆی و چەند كۆینێك. هەریەك لەمانەكەسایەتی و مانای تایبەت بە خۆیان هەیە, ئەمانە دروست كراون بۆ ئەوانەی كە بەلایدا پێپەڕ دەبن وە بۆ خۆیان شتانێكی نوێ‌ ی سەرنج ڕاكێشی لێ‌ دەدۆزنەوە .
فروداكیس هەستاوە بە دروست كردنی بۆشاییەك كە تیایدا نوسراو "لێرەدا بوەستە" تا ئەوەی خەڵكی بچەنە ناو ئەو بۆشتییەوە و ببن بە بەشێك لەو پێكهاتەیە.
12 جار خوێندراوه‌ته‌وه‌       |     Tuesday, February 5, 2019
زیاتر
رێكخراوی دەوڵەتی ئیسلامی، داعش..
خوێندنەوەییەكی سۆسیۆمێژوویی
ئیبراهیم حاجی زەڵمی
لە سەلەفییەتی دەقەوە بۆ سەلەفییەتی جیهادی
حەبیب محەممەد دەروێش
لە بارەی داعش و بونیادگەرایییەوە
ئایندەی سەلەفیگەری پەڕگیر
ن. سەید سادق حەقیقەت
و. هەڵكەوت هەورامی
رات چییه‌ له‌سه‌ر بابه‌ته‌ بڵاوكراوه‌كانی ئه‌م سایته‌؟



ژماره   بەرهەمەکانی ناوەندی کەلتووری کۆچ
govari koch| All rights reserved © 2010